以利亞深層探索 http://www.lounge07.com/inner/ en-us Copyright 2008 Mon, 13 Oct 2008 01:10:21 +0800 http://www.sixapart.com/movabletype/ http://www.rssboard.org/rss-specification 最近 就像生命流逝一般, 記憶是可以慢慢流失, 只要你不去回想, 腦袋會把它排出體外.

五個月的忙亂, 打亂了我習以為常的生活節奏, 不適應, 很多不安的情緒, 反抗的思想...
消化不了是因為沒想過要消化, 吃不消還要再吃, 那裡可以喘得過氣?

到過南生圍, 惠州, 澳門, 馬灣公園, 大浪灣, 伊館, 東涌, JCCAC, 麗城->深井, 中上中環...
一步一步的走, 一步一步的放下, 讓沉鬱的心情只留在相片中吧. 去的已去.


]]> http://www.lounge07.com/inner/2008/10/post-24.php http://www.lounge07.com/inner/2008/10/post-24.php 筆記 Mon, 13 Oct 2008 01:10:21 +0800 別了
人大了, 記憶變得零碎, 中間的部份就當作留白. 與你的記憶未算是精彩, 但我們確實在人生路上度過很多歲月.




還有些照片, 先將這一張送給你.]]> http://www.lounge07.com/inner/2008/05/post-23.php http://www.lounge07.com/inner/2008/05/post-23.php 筆記 Thu, 15 May 2008 01:12:12 +0800 堂慶 返左主恩會就黎六年..
第一次參加堂慶係02年, 五週年堂慶, 係復興教會, 每一區都預備表演項目, 好開心!
03年六週年堂慶, 舊機場, 第一年做組長, 最震撼唔係要上台, 而係敬拜跳到地震!!
04年七週年堂慶, 屯門大會堂, 有長髮大熱...
05年八週年堂慶, 荃灣大會堂, 係台上面敬拜, 跳到濕哂, 跳到眼濕濕.
06年九週年堂慶, 荃灣大會堂, 好緊張, 再次台上面敬拜, 再次跳到濕哂, 再次跳到眼濕濕...
一年比一年感動, 唔係因為有份上台又或者有份參與, 而係, 越黎越覺得呢個係我屋企, 係呢度我有好多回憶有好多經歷, 無論係笑係喊, 係高係低, 每一件事都係神o既祝福, 每一年都係恩年.

今年教會踏入十週年, 係一個好重要o既里程碑, 好期待好期待, 因為我地有神o既同在!










Grace Community Church 9th Anniversary from Terry Tong and Vimeo.

]]> http://www.lounge07.com/inner/2007/06/post-22.php http://www.lounge07.com/inner/2007/06/post-22.php 筆記 Sat, 30 Jun 2007 00:52:47 +0800 20070621 怕被遺忘: 神愛世人!

]]> http://www.lounge07.com/inner/2007/06/20070621.php http://www.lounge07.com/inner/2007/06/20070621.php 筆記 Fri, 22 Jun 2007 01:52:32 +0800 Checking 自我肯定: 當我擁有的東西都沒有了, 失去了, 我還是我嗎? 人們還會看重我嗎? 我的人際關係會改變嗎?
自卑: 面對權威或者性格強硬的人, 會立即將情緒收藏, 不敢表達意見和感受, 思想被干擾甚至停頓, 有懼怕的感覺.

]]> http://www.lounge07.com/inner/2007/06/checking.php http://www.lounge07.com/inner/2007/06/checking.php 筆記 Sat, 16 Jun 2007 16:57:25 +0800 宣戰 KABLOG
kablog-j2me 2.0.8 for SonyEricssonW550i
我要成為主的精兵!]]> http://www.lounge07.com/inner/2007/05/post-21.php http://www.lounge07.com/inner/2007/05/post-21.php Sat, 26 May 2007 17:14:00 +0800 昨日的我 myself 20040126
2004年1月26日的我

myself 20040919
2004年9月19日的我

myself 20050918
2005年9月18日的我

myself 20060902
2006年9月2日的我

塊面真係瘦左... >_<

]]> http://www.lounge07.com/inner/2006/09/post-20.php http://www.lounge07.com/inner/2006/09/post-20.php 筆記 Tue, 05 Sep 2006 00:06:35 +0800 20060826 我o既名有乜特別?
人多o既時候好想行快d, 超越前面行得慢o既人, 俾前面o既人阻住會覺得唔舒服, 點解會咁?

]]> http://www.lounge07.com/inner/2006/08/20060826.php http://www.lounge07.com/inner/2006/08/20060826.php 日誌 Mon, 28 Aug 2006 18:55:44 +0800 自己 我係羊定係狼?
我係羊群生活, 我個樣都係羊咁樣, 但係我裡面係咪一隻羊?
我係狼群生活, 我個樣都係狼咁樣, 但係我裡面係咪一隻狼?
我係人群生活, 我個樣都係人咁樣, 但係我裡面係咪一個人?
我知唔知自己係乜?

人好鍾意自以為是, "我覺得咁做無問題喎.", "我係咁架啦!", 當你面對呢d說話o既時候十居其九你都會無聲出, 因為用到咁主觀o既態度仲邊有得講, 特別係對住一d有權勢o既人o既時候更加係無左大半血... 果然係以自我為中心o既年代.

你以為自己係, 但係又係咪真係呢? 要係呢個已經無乜絕對o既時代搵答案都幾難.. 就算係教會呢個以聖經為生活原則o既環境底下, 要走出呢個自以為是o既捆綁都真係唔容易... o係我自己黎講, 有時唔係唔想以神為中心, 以神o既標準生活, 而係無咁o既意識去做, 可能到做左先發覺又用左自己方法黎做.

可能人生就係一個認識自己o既地方, 每一日面對問題, 面對人o既時候, 我又可以認識自己多d, 可能因為咁近排鍾意問點解. 唔知我身邊o既人會唔會覺得咁樣係精神虐待, 不過唔知點解要做而又去做實在係一件好危險o既事, 法利賽人俾耶穌當做一個唔好o既榜樣, 叫門徒唔好學佢地, 就係因為佢地為做而做, 為左得到人o既讚賞而做, 只係表面敬虔, 根本唔知誡命背後o既意義係乜.

今日睇到馬太福音第7章, 成為我一個好重要o既提醒.

7:15 你們要防備假先知．他們到你們這裡來、外面披著羊皮、裡面卻是殘暴的狼。
7:16 憑著他們的果子、就可以認出他們來。荊棘上豈能摘葡萄呢．蒺藜裡豈能摘無花果呢。
7:17 這樣、凡好樹都結好果子、惟獨壞樹結壞果子。
7:18 好樹不能結壞果子、壞樹不能結好果子。
7:19 凡不結好果子的樹、就砍下來、丟在火裡。
7:20 所以憑著他們的果子、就可以認出他們來。
7:21 凡稱呼我主阿、主阿的人、不能都進天國．惟獨遵行我天父旨意的人、纔能進去。
7:22 當那日必有許多人對我說、主阿、主阿、我們不是奉你的名傳道、奉你的名趕鬼、奉你的名行許多異能麼。
7:23 我就明明的告訴他們說、我從來不認識你們、你們這些作惡的人、離開我去罷。

羊就係羊, 狼就係狼, 無得扮亦無得變, 唔好做一隻以為自己係羊o既狼.

P1040502.JPG
面容扭曲o既我!
172205.JPG
三年前o既我... 斯文!


aiko - star

]]> http://www.lounge07.com/inner/2006/08/post-19.php http://www.lounge07.com/inner/2006/08/post-19.php 筆記 Wed, 16 Aug 2006 00:45:29 +0800 敬拜你我王 從今直到永遠 詩篇150篇6節: 凡有氣息的、都要讚美耶和華。你們要讚美耶和華。
用詩歌讚美神, 用生命讚美神, 用服侍讚美神, 讚美神實在有太多方法, 只要合神心意, 合乎聖經, 那管用什麼語言!

]]> http://www.lounge07.com/inner/2006/08/post-18.php http://www.lounge07.com/inner/2006/08/post-18.php 筆記 Wed, 09 Aug 2006 01:19:09 +0800 休息 “你們要休息、要知道我是　神．我必在外邦中被尊崇、在遍地上也被尊崇。萬軍之耶和華與我們同在．雅各的　神是我們的避難所。” (詩篇46:10-11)

呢排工作忙, 事奉都忙, 當然啦為主工作好開心, 返工就一半半啦, 不過我個人一入左"忙碌模式"就好似停唔低咁... 感謝主佢俾我知道我係呢方面有咁得意o既狀況, 所以佢都俾我有好多唔同o既環境等我可以安靜落黎. 等我介紹下啦!!


第三位: 運動

以前主力係跑步, 因為跑步實在太方便, 一對鞋已經跑得, 而且我樓下就係公園, 想點跑都得.
另一個鍾意跑步o既地方係, 我可以係思想上面休息, 我只係對準個目標係我路線o既終點就得, 跑完成段路就係我唯一要做o既事, 唔駛諗點做, 亦唔會有乜意外或者突發o既事. 就好似腓立比書3:13-14入面講"就是忘記背後努力面前的、向著標竿直跑"一樣.
近呢幾年會多左去泳池游水, 同跑步差唔多, 會舒服d添.


第二位: 夜晚去公園

一定要係夜晚, 夜晚先夠靜, 無乜人行黎行去, 望下個天, 抖下氣, 同埋最重要係可以靜靜地同神傾計, 當我個人混亂o既時候我就會去公園坐一陣, 見到有貓就會同佢地玩下咁... >_<


第一位: 油麻地Kubrick

其實同第二位都幾接近, 不過因為方便去, 所以就成為第一位啦! 哈哈.
去得個附近大概都會睇埋戲, 不過有時真係特登過去坐或者自己食個飯, 因為平日夜晚個度人唔會多, 環境都幾舒服, 唔算靜但係個氣氛唔係好嘈個隻, 去親個度坐個人都會好輕鬆, 唔再識緊張咁. 係我個人休息安靜o既首選!

plants

附近亦都有唔少值得留意o既景點, 好似油麻地果欄, 外牆翻新左但係都唔知會點o既油麻地戲院, 當然唔少得o既就係有好正煲仔飯食o既廟街啦, 正呀! :P

好啦今日帶你香港自遊行o既時間都差唔多啦, 下次再見啦.

]]> http://www.lounge07.com/inner/2006/07/post-17.php http://www.lounge07.com/inner/2006/07/post-17.php 筆記 Sat, 22 Jul 2006 01:55:55 +0800 1976 係, 佢係一個年份, 係我o既出生年份.

感謝上帝俾我係呢個年代出世, 俾我經歷好多唔同o既環境同埋事件.

細個o個陣受過傷, 病過, 好多事好多細節已經唔記得, 但係記得o既都有唔少.

1976年造就左2006年o既我, 我呢29年257日所過o既日子都係佢親自策劃, 無論日子開心唔開心我都衷心多謝佢.

突然覺得今年要好好慶祝, 唔係自己玩餐飽咁簡單.. 等我諗諗先.

]]> http://www.lounge07.com/inner/2006/07/1976.php http://www.lounge07.com/inner/2006/07/1976.php 筆記 Thu, 20 Jul 2006 01:53:38 +0800 足球 今晚踢比賽, 但係身體唔在狀態, 再加埋有d緊張, 有少少腳軟咁.. 不過熱完身之後都好左好多.

呢幾年暑假o既足球比賽都有參加, 志在參與多過勝負, 不過今年隊友o既認真度都影響到我, 如果唔係都唔會有d緊張, 知道大家都非常盡力, 所以都好感謝神為我地預備o既一切.

足球技術可以練返黎, 足球智慧可以練返黎, 但係合拍同互相配合真係需要磨練, 唔係你付出就可以有回報.

以前有段時間好想打籃球, 不過無機會, 足球一路都有keep住踢但係無乜點練過, 羽毛球乒乓球都係細個消磨時間o既玩意, 唔專, 網球算係比較有心機時間學o既運動, 不過近排無乜打.. 可惜可惜.

今日神要我學o既係互相配合, 唔止係足球, 做乜都好只靠自己有時未必係最好, 好記得葡枝講過, 話d野一個人做哂唔夠好玩, 一齊做一齊玩先夠好, 有能力做得哂成件事唔代表做得好件事, 習慣one-man-band o既我好需要係呢方面學習, 唔想捉得太緊又唔想放得太鬆.. 同人相處的確唔容易.

]]> http://www.lounge07.com/inner/2006/07/post-16.php http://www.lounge07.com/inner/2006/07/post-16.php 筆記 Sat, 15 Jul 2006 02:12:07 +0800 供.求 今日經歷左神o既供應呀!

話說我近排o既經濟都唔多穩定, 計埋今次最近都已經有兩次係用到無哂錢, 真係十零廿蚊都無, 八達通都負資產o既地步... 今日係Eric同Carmen o既婚禮, 諗住都唔駛點用錢再加埋我都無乜辦法之下, 唯有勁祈禱求神供應啦, 咁早餐係屋企食, 袋住十蚊就出街啦.

入到珀麗灣已經"負達通", 諗住勉強勉強啦, 點知要搭巴士出返去教堂, 咁就出事啦... 還好問姊妹借住先, 感謝主同Stella仗義出手!!

行完禮packing回程之後食晚飯再之後就係要走o既時候, 諗住都係搵親愛o既導師幫手幫手, 所以就同佢一齊走, 出到荃灣個陣突然醒起, 我今日收左利是喎! 打開睇下都有一個星期o既車費!

多謝耶穌你為我預備, 多謝你體諒我o既擔心同埋信心不足, 今日我經歷你奇妙o既安排, 我會努力唔擔心咁多架啦. 天上o既爸爸我愛你!

]]> http://www.lounge07.com/inner/2006/06/post-15.php http://www.lounge07.com/inner/2006/06/post-15.php 筆記 Mon, 19 Jun 2006 00:27:35 +0800 瓦解 今日係浸禮, 過程都好順利感謝主! 不過有一段關於自己o既小插曲..

話說今日諗左一陣究竟著乜好, 因為天氣實在太熱, 著西裝褸一定熱到爆, 所以最後決定著恤衫西褲, 好唔想著對黑色皮鞋, 因為size太大同埋已經好耐啦好殘, 不過無計都要著..

一路都無乜事.. 到差唔多最後, 即係讀誓言同簽約書個陣想起身影相, 先發現左腳鞋踭無左一半!! 原來對鞋o既鞋底膠質已經氧化, 變成脆皮!!! 個刻勁想笑, 又有d無奈, 心諗:“你都死得幾核突喎...”, 之後嘗試搵AA膠加電線膠紙即場補底, 不過補左個踭, 行到出街個陣其他部份又開始鬆化.... 勁祈禱同神講唔好俾我咁樣衰係街度“踏破鐵鞋”.. 結果行到City Landmark地下間鞋鋪買左對黑色Converse頂住先, 又一次感謝讚美主!

買鞋個陣同個老闆娘傾計, 先知原來鞋放係度唔著係會氧化, 好快就唔要得, 佢仲話年中有唔少鞋放係度無人買, 又唔想由得佢化, 結果送左去慈善機構.. 諗諗下其實我地都幾浪費.

諗返起間唔中組員都會討論關於“安於現狀”呢個topic, 放係度好似都唔錯呀, 靚靚地, 做display, 又可以吸引下人喎, 不過一個唔小心放到氧化, 著住行街一陣就迅速瓦解, 都幾出事.. 表面風光, 裡面原來唔係strong, 就係真正o既“表裡不一”啦. Good night.

]]> http://www.lounge07.com/inner/2006/06/post-14.php http://www.lounge07.com/inner/2006/06/post-14.php 筆記 Sun, 18 Jun 2006 02:04:46 +0800